Серікбол Хасан (1987 ж.т.) – жас ақын, журналист. Атырау облысы Құрманғазы ауданы Нұржау ауылында дүниеге келген. Абай атындағы ҚазҰПУ-нің түлегі. «Көбелек», «Кәусар» жинақтары жарық көрген. «Жас қазақ», «Ақ желкен», «Ұлан» басылымдарында қызмет жасаған.  Қазіргі уақытта республикалық балалар басылымдарының «zhasorken.kz» сайтының веб-редакторы. 2014 жылғы «Дарабоз» жабық бәйгесінің қорытындысы бойынша «Алтын адам және Азаттық» өлеңдер топтамасы үшін ынталандыру сыйлығын иеленді.