Қыс көрікті –
Жауған аппақ қарымен,
Қыс көрікті –
Аяз қысқан кәрімен.
Қыс көрікті –
Аққала мен сырғанақ,
Қыс көрікті –
Күміс қылау сәнімен.
 
* * *
 
Жапалақтап,
Жауған аппақ
Қарда шығып ойнаймыз.
Қар уыстап,
Ұрлап асап,
Қызығына тоймаймыз.
 
* * *
 
Қарды үйіп,
Суды құйып,
Жасап едік сырғанақ.
Қатпай суы,
Кеппей буы,
Балаларға бол мазақ.
 
* * *
 
Ызғары бар,
Сықырлап қар,
Баурап сырнай әнімен.
Аппақ сүңгі,
Моншақ ілді,
Орман мүлгін сәнімен.