Ата Заңым,

Алтын Заңым - ардағым,

Аялаған адамзаттың арманын.

Жол бастайды болашаққа жасампаз,

Әрбір бабың, тарауларың, тармағың.

Алтын Заңда –

Парасатым, пайымым.

Алтын Заңда-

Күш-қуатым, жалыным.

Сен қорғайсың

Бостандық пен құқықты,

Анамдайсың елжіреген жаны күн.

Ертеңіне еселеген сенімін,

Тірегі сен Тәуелсіздік төрінің.

Алтын Заңмен мақтануға ерікті

Азаматы Қазақстан елінің.

Ата Заңым - танымның құшағы

Ерлігімнің, елдігімнің нышаны.

Өз елінде алшаң басып ұл-қызы,

Бозторғай да емін-еркін ұшады.

Алтын Заңым –

Тәуелсіз таң, нұрлы үміт,

Ортақ бізге қоғамдағы игілік.

Ақиқаттың аппақ жолын аттаймын,

Ата Заңым, сені ғана ту қылып.

Иесісің жер, су, адам, байлықтың

Еңсем биік, мәртебем де болды асқақ,

Ата заңым, келесің сен жол бастап.

Бостандығым мақсат-мүддем, мұратым,

Құқығымды бердің өзің айғақтап.

Әр бабыңа үңілем де, ойланам,

Дастандайсың келешекті толғаған.

«Білім алғын, ғылым ізде, еңбек ет,

Қоғамдағы игілікті пайдалан», -

Деп айтасың, Ата заңым – ақ таңым,

Бақытымның бақ жұлдызы – бабтарың.

Ата заңым – Тәуелсіздік кепілі,

Ел мен жердің тұтастығын сақтадың.

Қыранымсың қия шыңға самғайтын,

Бірлігімді, тірлігімді қолдайсың.

Тереземді теңестіріп өзге елмен,

Отанымның ар, намысын қорғайсың.

Нұрлантады сенен ескен жылы леп,

Заңым барда кеуде қағам, ірі боп.

Айшықты етіп жаздың алтын әріппен:

«Қазақ тілі – мемлекет тілі», - деп.

Ата заңым – сенімімнің серігі,

Ата заңым – қоғамымның негізі.

Иесісің жер, су, адам, байлықтың,

Қолдаушымсың, қамқоршымсың ең ұлы.