Тұр сан сауал туындап,

Тәуелсіздік деген не?

Бодан елді шыжымдап,

Ұстайды екен көгенде,

Тәуелсіздік дегенің –

Азаттықтың таңы аппақ.

Дейді Отаның: "Өренім,

Қыран болып қанат қақ!"

Тәуелсіздік - ырыс, бақ,

Қадам басу сеніммен.

Емін-еркін тыныстап

Бақ кетпеуі төріңнен;

Мемлекет болуың

Басқа елге иық тіресіп.

Жаттан елді қоруың,

Туған жерді түлетіп;

Нұржайнауы көгіңнің

Желбіретіп туыңды.

Иемдену өзіңнің

Байлығың - жер, суыңды;

Бұзылмауы дініңнің,

Тұтастығы халқыңның.

Мерейі өсіп тіліңнің,

Сақталуы салтыңның.

Отан- алтын орданың

Өрлегені бағы өрге.

Қазақ атты ел барын

Дәлелдеу күллі әлемге!