Атана ма бекер Ер,
Ауыр шығар тым, иә?..
Зілтемірді көтерер
Зор иықты Илья.
 
Күшті әрі қайратты,
Күшенбейді ол, күледі.
Бұлшық еті ойнап тұр,
Білеу-білеу білегі.
 
Атын естіп әр қиян,
Алақайлап шақырсын.
Болғанымен чемпион,
Балаларға – ақылшы!
 
Таза ауада қыдырды,
Тағы жасап жаттығу.
Жиі-жиі жүгірді,
Жалқауланған жоқ күні!
 
Өнеге еді бұл, міне,
Өзімшілдер ұқпады.
Алма бақты көрді де,
Айналсоқтап шықпады...
 
Қылығы оның қызық-ақ,
Құбылтпайық текке ойды.
...Бір қолымен үзіп ап,
Бес алманы жеп қойды!..