Таупық Рымжанов

Қазақ әдебиеті тағы бір ауыр қазаға ұшы­рады. 76 жасқа қараған шағында белгілі қа­лам­гер, көр­некті балалар жазушысы Таупық Рымжанов қайтыс болды.

Ол 1937 жылы 21 шіл­­­де­де қазіргі Шығыс Қа­зақ­стан облысына қа­расты Абыралы ау­да­нының Де­гелең ауылында туған.

1962 жылы Семей пе­дагогикалық инс­ти­тутының физика-ма­те­матика фа­культетін бі­тіріп, Аягөз, Жаңа­семей аудан­дарын­дағы орта мектептерде мұ­ғалім, оқу ісінің мең­геру­шісі, директор болған. 1976 жылдан зейнетке шыққанға дейін Петропавловка селосындағы орта мектепте ұстаздық қызмет еткен. «Өткелдер» атты тұңғыш әңгімесі 1965 жылы об­лыстық «Семей таңы» газетінде жарық көрді. Балалар әдебиеті саласында өнімді еңбек еткен.

«Құбажон», «Зәйтүнқарлығаштың ерлігі», «Өлместің жұлдызы», «Алтын ара», «Жалықпас шежіресі», «Гүл ағашы», «Көкше», «Жәки-Жамал және шайтандар» сынды балғын оқырмандар мен сыншылар тарапынан жоғары бағаланған бірқатар кітаптардың авторы. Өмірден өтерінің алдында 3 томдық шығармалар жинағы жарық көрген.

Өмірде сыпайы да сырбаз, ақкөңіл, еңбекқор, қаламдас әріптесіміздің аяулы бейнесі ел жүрегінде сақталады.

Қазақстан Жазушылар одағы
басқармасының секретариаты.

Публикации автора (1)

АЛТЫН КИІК

Махаббат мұңы деген осы болар. Елінің Күнін іздеп шыққан Өлместің асқақ көңілі жасығандай Толығырақ →

1818 рет оқылды
Сақтау